2008/12/18

FACEINHOLE TUTORIALA

Hona hemen Iraiak eta nik egindako Faceinholen tutoriala espero dut zuentzako baliagarria izatea.


2008/11/29

GURASO ELKARTEEN KONFEDERAZIOA

Guraso Elkarteen Konfederazioa haur, gazte, eta heldu etorkin nahiz bertokoekin, euskara lantzen.

Guraso Elkarteen Konfederazioa osotzen duten hiru elkarteak (BIGE, BAIKARA eta DENON ESKOLA), etorkinen integrazio linguistikoari eta kulturalari begira lan bikaina burutzen ari dira.

Konfederazio honek, eskola orduetatik kanpoko orduei begira lan egiten du goiz, eguerdi, nahiz arratsaldetan, bai haur, bai gazte, bai eta hauen gurasoekin. Aktibitate hauetan bertokoek zein etorkinek parte hartzen dute. Hainbat azpi-helburu eta aktibitate mota dituzte EAEn etorkinen integrazio positiboa bideratzeko, eta horietako batzuk hizkuntza normalkuntzari begira daude. Hala, era ludiko batean, euskara errefortzuak eskaintzen dizkiete haur eta gazte etorkinei, hainbat aktibitate (jolasak, kirolak, eskulanak…) euskara hutsean lantzen dituzte, gurasoentzako euskara ikasteko ikastaroak eskaintzen dituzte, eta abar. Eta hori guztia, egoera ekonomiko kaxkarra dutenentzat, dohainik izaten da.

Orain arte euskararen irakaskuntzan izan duten esperientziaren arabera, argi daukate, etorkinek euskara ahalik eta azkarren ikasteko, ezinbestekoa dela eskola orduetatik kanpora haur eta gazte hauek euskaraz bizitzea, eta horretarako, erarik egokiena, modu ludikoa dela deritzote.

2008/11/27

NORA DOAZ ETORKINAK?

NORA DOAZ ETORKINAK?
Atzerrira joandako bost lagunetik hiru Ipar hemisferioko herrialdeetan daude kokatuta. Gehienak legez heldu dira, edo status legala lortua dute. Gainontzeko gehienak mendebaldeko herrialdeetara etorri dira, sektore ekonomikoen arduradunek "gonbita" eginda eta agintarien nolabaiteko onginahiez. Gazteenak izan ohi dira gehienbat legez kanpo daudenak, eta horiek dira, hain zuzen ere, hartzen dituzten herrialdeei kargarik gutxiena ematen dietena.
Etorkin iraunkorrak eta aldi baterako etorkinak

ETORKIN IRAUNKORRAK ETA ALDI BATERAKO ETORKINAK
Sailkapenetan agertzen diren etorkin iraunkortzat hartuak, maiz beste herrialdeetara joaten dira, edo jaioterrira. Bestalde, "aldi baterako" etorkin asko bolada luzeetan ibiltzen dira atzerrian, baimenarekin edo gabe, eta azkenean lortzen dute bertan geratzeko lege-eskubidea. Ozeania da etorkinik gehiena duen kontinentea (bost milioi pertsona), ondoren Kanada eta Amerikako Estatu Batuak. Kopuru hauek banku, erakunde ofizial edo posta bidezko diru-transferentziei soilik dagozkie. Ez dira kopuru horietan sartzen atzerritik jaioterrira joatean eramaten dituzten erregaliak, edo hara bidaltzen dituztenak: botikak, arropa, fotokopiagailuak eta abar, jaioterrian denda txikiren bat edo martxan jartzeko. Langile bakoitzak atzerrian, batez beste, familiako bost edo seiri pertsonari laguntzen baitiete, kalkulatzen da munduan 200-400 milioi pertsona baliatzen direla atzerritik jasotzen duten diru-laguntzaz.
Etorkinen aurka

ETORKINEN AURKA
Hego Afrika da, apartheid-sistemari amaiera eman zionetik, isilpeko etorkinen kontra gehien jarduten duena, ez baitute orain kanpotarren laguntzarik behar. Batez ere, mozanbiketarrak izan dira kaltetuenak, 400.000 baino gehiago bota zituzten kanpora 1992-1995 urteetan. Eta gezurra badirudi ere, horiek izan ziren apartheid sistemaren aurkako borrokan gehien lagundu zutenak.

2008/11/26

HAUR ETORKINAK EUSKARAZ IKASTEN

Euskal Autonomia Erkidegoko nahiz Nafarroako herri eta hiri ia guztietara etorkinak iritsi dira, jaioterri anitzetatik gure herrian bizitzeko asmoz. Euskal Herrian azken urteetan etorkin kopurua izugarri hazi da: marokoarrak, txinatarrak, bulgariarrak nahiz senegaldarrak bizi dira gure artean. Hauen seme-alabek kolore eta kultura anitzen aberastasun etxeak bilakatu dituzte gure eskola eta ikastolak. Haur bakoitzak ordea, egoera berezi bat bizi du; sendiak izaten dituzten arazoez gain, herri eta kultura arrotzaren hoztasuna jasotzen dute ikastetxeetan, haien iragana eta ohiturak ez ditu inork ezagutzen, ezta errespetatzen.
2000/01 kurtsoan Euskal Autonomia Erkidegoan 2.966 ikasle atzerritar matrikulatu ziren eskola publifikatu eta kontzertatuetan. Hauetatik % 11k D ereduan eman zuen izena. Nafarroan berriz, 1.667 haur matrikulatu ziren bi ikastetxe mota hauetan. Ikasle guzti hauen integrazioa bultzatzeko asmoz, Sortzen, Nafarroako sare publikoko D ereduko zentroak biltzen dituen elkarteak, Ikasbatuaz Euskal Autonomia Erkidegoko elkartearekin batuz, D eredura hurbiltzen diren haurrei harrera egokia egiteko egitasmoa garatu dute. Sortzenek, duela 8 urte eratu zen elkarteak, euskal eskola publiko berriaren alde lan egiten du eta berria den heinean, integratzailea izateko helburua du.
Etorkinak D eredura hurbiltzeko asmoz, Nafarroako Sortzen elkartea lanean hasi zen duela bi urte. Ernesto Delas Sortzen elkarteko gurasoen lehendakariaren hitzetan 'Nafarroan, euskararen normalizaziorantz jo nahi badugu, ezinbestekoa dugu etorkinak kontutan hartzea. D eredura ikastera etortzen diren etorkinak integratzen laguntzea izan behar dugu helburu. Euskaraz ikasteko eskubidea aldarrikatzen dugu eta etorkinak ere nafarrak dira nahi badute behintzat'. 2002ko urtarrilean lan honen fruitua den idazkia argitaratu zuten eta sare publikoko D eredua duten zentroetara bidali dute, ikastetxe hauetako kontseilu eskolarrak onar dezan. Egitasmo honetan ikastetxe bakoitzak erronka berri honen aurrean egin behar duena eta izan beharko duen jokaeraren inguruko gomendioak jasotzen dira. Ikasturte hasieran egiten den aurkezpenean haurrak nondik datozen, haien kulturaren berri eta ezaugarri nagusiak aipatu behar dira. Beste kulturetako egun seinalatuak aipatu eta azalduko dira, beti ere giro positibo batean emango delarik. Honen helburua gelakideek etorkinaren ohitura eta baloratzen ikastea da, era berean ume etorkinak bere burua baloratua senti dezan. Bestalde, gurasoek ere eginbehar garrantzitsua beteko dute egitasmo honetan. Haien artean ere harreman zuzena bultzatuko da eta guraso etorkinek haien egoera azaltzeko aukera izango dute. Sortzen elkarteak garatu duen egitasmoa Nafarroako 30 ikastetxeetara bidali du eta onartzen denean abian jarriko da hiru eta lau urteko haurrekin. Ostean Euskal Autonomia Erkidegora hedatzeko asmoa dute Ikasbatuaz elkartearekin duten akordioaren bidez. Oraingoz, ordea, ez da proposamenik edo araurik iritsi ikastetxeetara eta etorkin ugari diren eskoletan, irakasleek ahal dutena egiten dute. Honen adibide argia Donostiako San José eskola da, ikasleen %90a etorkinak baitira.
Etorkinen %70 inguru eskola publifikatuetan matrikulatzen bada ere, ikastola kontzertatuek ere erronka berri honi aurre egin behar diote. Meltxor Artetxe Ikastolen Federazioko prestakuntza arduradunaren aburuz 'etorkinei harrera egokia egitea, arazoa baino, erronka berri bat da guretzako'. Etorkinen arazoa gizarte osoaren erantzuna behar duen erronka da. Eskola integrazio atal garrantzitsua da Meltxorren ustetan baina ez da bakarra. 'Aurre hezkuntzako adinean sartzen diren umeekin ez da arazorik izaten, ez dute hizkuntza eta pedagogia aldetik arazorik izaten. Noraeza ordea, eskolatzea berantiarra denean dugu'. Ez euskaraz, ez gazteleraz ez dakiten haurrekin komunikazioa minimoa izaten da eta honen aurrean, giza harrera egokia oso garrantzitsua da ongi sentitu daitezen. Horretan dabiltza, ahaleginean behintzat.

ETORKINAK ENPRESETARA ERAKARTZEKO


Industriari buruzko hiztegia sortu du sarean Makina Erremintaren Institutuak, atzerritarrentzat

Euskal Herrira datozen etorkinek batez ere nekazaritzan,ostalaritzan eta eraikuntzan lan egiten dute.Oso gutxi dira,ordea, industrietan aritzen direnak. Hori aldatzeko asmoz, hiztegi elektronikoa ipini berri du sarean Elgoibarko (Gipuzkoa) Makina Erremintaren Institutuak, komunikazioa baita lan egiteko duten eragozpen nagusia. Bertan industria arloko enpresetan gehien erabiltzen diren hitzak jasotzen dira euskaraz, portugesez, arabieraz, errumanieraz, gaztelaniaz eta frantsesez. Ekimena Eibarko Udalaren (Gipuzkoa) Etorkinen Planaren barruan jarri dute martxan.

Enpresen beharrei erantzutea izan da hasiera-hasieratik Elgoibarko Makina Erremintaren Institutuaren zeregin eta helburu nagusietakoa. Hala, industrian lan egingo duten profesionalak trebatzeaz gain, hainbat proiektu eta ekimen dituzte martxan enpresen eguneroko lana hobetzeko eta errazteko.

Industriek zituzten behar horien artean zegoen etorkinak erakartzeko zailtasuna. Sorterrian industria sektorean lan egin arren, hona etorrita beste ogibide batzuk aukeratzera behartuta daude etorkin gehienak. «Hori ikertzen hasi, eta konturatu ziren prestakuntza edo ikasketak baino gehiago, komunikazioa zela etorkinak enpresetan lan egiteko traba nagusia, industria munduan erabiltzen den hiztegia oso espezializatua baita», nabarmendu du Aitor Muniozgurenek, proiektuaren sortzaileetako batek. Hori ikusita, hiztegi elektronikoa egitea bururatu zitzaien.

Hiztegia martxan jartzeko, lantegien funtzionamendua ikertu zuten lehenbizi: teknikak, prozesuak, erremintak, materialak, lan egiteko moduak... Halaber, eskualdeko enpresetan urteak daramatzaten bi etorkinekin hitz egin zuten, haiek izandako zailtasunen berri jakiteko.

Hiru hilabeteko lanaren ostean, oso hiztegi praktikoa osatu dute. Hitzak ez daude alfabetikoki sailkatuta, baizik eta gaika: lantegiak, makinak, prozesuak, erremintak, materialak, oinarrizko kontzeptuak eta lantegiaren antolamendua. Bakoitzari dagokion ikonoan sakatuz gero, atal horretako hitz guztiak ikusi ahal dira. Termino zehatzen bat topatu nahi izanez gero, bilatzaile bat ere badu.

Denera ehun hitz inguru ditu hiztegiak. «Dena den, elektronikoa denez, hitzak sar eta ken daitezke nahi dugunean». Termino bakoitza sei hizkuntzatan dago: euskaraz, arabieraz, portugesez, errumanieraz, gaztelaniaz eta frantsesez. Horrekin batera, definizio motz bat eta argazki bat ere baditu. «Ahalik eta hiztegi ikusgarriena, ulergarriena eta sinpleena egiten saiatu gara».

HEZKUNTZA KULTURANITZA ETA ELEANITZA

Ikasle etorkinen gehiengoa A ereduan matrikulatzen dira, EAE-an %66 eta Nafarroan %78. Joera hau apurtu beharra dago,haur etorkinak euskal ererduetan matrikulatu behar dira benetako kulturaniztasuna lortu nahi badugu.Baina hau lortzea guztion esfortsua eskatzen du.



Gai hau modu zabalagoan garatzen da Matilde Sainz Osinagak idatzitako artikuluan, hau osorik irakurri nahi izan eskero hemen klikatu.

2008/11/24

SAREAN AURKITUTAKO POWER POINT INTERESGARRIA

Oraingo honetan Power Point bat aurkezten dizuet. Sarean aurkitu dudan aurkezpena da eta hezkuntzari buruz zerbait azaltzen digu. Dena den slideshare-n sartzen bazarete, power point asko aurkituko dituzue edozein gaiari buruz.

MAPA KONTZEPTUALA


Kontzeptu mapa, informazioa aurkezteko teknika bat da. Gai baten ikuspegi orokorra emateko erabiltzen da, kontzeptuak erlazionatuak eta hierarkikoki antolatuak agertzen direlarik. Hiru elementuk osatzen dute mapa kontzeptualak: kontzeptuak, hauek lotzeko geziek, eta esteka-hitzak. Azkeneko hauek kontzeptuen arteko erlazioak azaltzen dute. Hiru oinarrizko elementu hauekin proposizioak sortzen dira, eta hauek dira benetan kontzeptu mapa osatzen dutenak. Hau da nik egindako kontzeptu mapa .

2008/11/14

ERLAZIONATUTAKO BESTE BITAKORA INTERESGARRIAK

Hemen uzten dizkizuet aurkitu ditudan bi bitakora etorkinei buruz horrela ideia gehiago eta informazioa gehiago izango duzue :


Alde batetik aukeratu dut "Haur etorkinak"ren bitakora. Bitakora honek batez ere zentratzen da hezkuntza eta euskaran.




Bestalde "Etorkin Gazteak"ren bitakora. Honek etorkinen sufrimenduan zentratzen da.



Uste dut biak oso ondo daudela eta gainera nire bitakorarekin zerikusi handia dute eta zuei laguntzeko er balioko zaizue.

ETORKINEI BURUZKO IRITZIA

Gero eta etorkin gehiago daude baina, zer egin?.Gai honetaz hitz egingo bagenu irizpide ezberdinak aurkituko genituzke. Pertsona batzuk pentsatzen dute etorri eta berriro haien herrietara bidali behar ditugula, baina beste pertsona batzuk pentsatzen dute etorkinei oportunitate bat eman behar diegula.
Gai honetaz hitz egin ahal da ordu luzeetan, gero eta gehiago hitz egin eta nabarituko genuke azkenean irizpide ezberdinak izanda gure pentsamenduak lotuko genituzkeela.
Nire ustez pertsona horiek etortzen dira hemen bizimodu hobea edukitzeko, eta momentu batean pentsatuta zer egingo genukeen guk bere egoeran egongo bagina?
Oso tristea da pentsatzea haien bizitza arriskatzen dutela hona etortzeko, baina hona etorriko ez balira gosez hilko lirateke. Ume txikiak ere etortzen dira eta normalean hiltzen dira, baina zergatik etortzen dira hona? Ez haien herrialdeak txiro direlako,baizik eta haien gobernadore edo erregeak ez dietelako ezer ematen. Han zerbitzuak ez daude ia garaturik eta 1.sektorea da garrantzitsuena, horrengandik ere ez dute ia dirurik.

2008/11/06

WEBQUEST "Kulturartekotasuna"


Hona hemen nire gaiaren inguruko Webquest bat:

SARRERA

Gaur egun gure ingurua gero eta kultur anitzagoa da. Etorkinak arrazoi ezberdinengatik datoz Euskal Herrira; behar ekonomikoak eta sozialak, gatazka armatuak, indarkeria.
Beraz, esan dezakegu egungo jendartearen ezaugarri nagusienetako bat heterogeneotasun sozial, kultural eta linguistikoa dela.Kulturartekotasuna beraz, aniztasun egoeren aurrean izan dezakegun ikuspegi bat da, berdintasunean oinarritua eta aniztasunean aberasgarri bezala ulertzen dena.
Eta honen garrantzia aintzat hartuz, zuen pentsaerak, ezagupenak, jarrerak... landuko ditugu internet erramientaz baliatuz.

EGINBEHARRAK

Proiektu honetan bai indibidualki zein taldeka lan egingo dugu, eta egoki burutzeko honako pausu hauek aholkatzen ditugu:
-Lehendabizi, kulturartekotasunaren inguruko informazioa bilatu. Hitz gutxitan sarreratxo bat egin
-Munduko mapa handi bat topatu (D3 gutxienez), zure lan tresna izango dena
-Kontinente ezberdinenen inguruko informazio orokorra bilatu (hedadura, biztanleria, hizkuntzak, etniak, ohiturak, paisaiak, irudiak… bitxikeriak) eta norbere mapan kokatu
-Beste kultura bateko kidearekin solasaldia bat antolatu kultur informazioa trukatzeko asmoz (Horretarako komenigarria da lehendabizi bestearen kulturako informazioa bilatzea, solasaldia gidatzeko eta galderak interesgarriagoak izateko: ohiturak, jaiak, tresneria, jolasak…). Solaskidea ere interneten bilatu daiteke.
-Elkarrizketa mapa koadernora gehitu eta bukaeran interesgarria izan zaizkizun hitzekin Glosategi bat egin “ 15-20 hitz eta esanahiekin”.

PROZESUA

Honako helbide elektroniko hauetan lan egiteko informazio baliagarria topa dezakezu:

http://www.aulaintercultural.org/sommaire.php3?lang=eu
http://www.interculturalidad.org/a_pres.htm
http://www.plazagunea.com/gaztentziklo/sarrera.php?atala=mapak
http://www.elmundoviajes.com/elmundoviajes/mundo.html
http://www.hiru.com/geografia/geografia_05600.html
http://www.ikuska.com/Africa/Paises/Continente.htm


EBALUAKETA

Lanaren ebaluaketa honako irizpide hauei jarraika egingo da:
-Datu bilketaren kalitatea.
-Lan koadernoaren txukuntasuna eta originaltasuna.
-Beste kulturetako pertsonenganako jarrerak ( errespetua, jakin-mina, berdintasuna, laguntasuna…)
-Ondorioetako hausnarketa sakona

ONDORIOAK

Aniztasuna egoera honek gatazka sortu ditzake jendarteetan, eta askotan jarrera hauek kultura autoktonoaren eta etorkinen arteko ez ezagutzaren eta pertzepzio negatiboen ondorioz sortzen dira.Bide honetan, aniztasuna arrisku gisa ikustetik aukera modura ikustera pasa behar gara, norbanakoaren eta jendarteen garapenerako faktore aberasgarri eta positibo bezala ulertu behar dugu.
Beraz, kultur ezberdinen arteko elkarbizitza ahalbideratzean dago gakoa. Etengabeko hartu-emana, elkarlana, berdintasuna, partehartzea eta hika-mikak konpontzearen bitartez, elkarri aberastuko gaituen gizarte anitzago bat lortzerik badago.
Honekin bat etortzera ailegatu bazara, ze konklusio aterako zenituzke jakitea gustatuko litzaiguke.( Ze egin daiteke egoera hauek lortzeko ?, beste batzuk ekiditeko?, … ) Hau zure lan koadernoan edo klaseko eztabaidetan jarri ditzakezu.

http://www.phpwebquest.org/wq2/webquest/soporte_tabbed_w.php?id_actividad=6393&id_pagina=1

2008/10/30

ETORKINAK "D" EREDUAN

Hona hemen bideo bat ume etorkinei buruz D ereduan ikasten:



Bideo hau aukeratu dut nire gaiaren zer ikusi handia duelako eta oso ondo ikusten da nola gero eta haur gehiago D ereduan ikasten dutela.

2008/10/22

IKASLE ETORKINAK GERO ETA GEHIAGO


Ikasle etorkinen hazkundeak ez du etenik Hego Euskal Herrian. Derrigorrezko hezkuntzan ari direnak kontuan hartuta, ikaslegoaren % 4,4 etorkinen seme-alabek osatzen dute. EAEn urtero 2.500 inguru dira eskolara hasten diren ikasle etorkinak. Halere, batez besteko handiena Nafarroan ematen da: han 10 ikasletik bat etorkina da.
Inmigrazioaren fenomenoa indartzen ari den neurrian, gero eta gehiago dira Euskal Herriko eskoletan ikasten hasten diren etorkinen seme-alabak. Beste herrialde batzuekin alderatuta kopurua nabarmena ez den arren, ikasle etorkinen hazkundea etengabekoa da eta bide beretsutik jarraituko duela dirudi.
Jatorri, kultura eta hizkuntza ezberdinetatik datozen haur eta gazte horien integrazioa erronka bilakatu da hezkuntza sistemarentzat, hizkuntz ereduak tarteko.